შესაბამისად მოწყობილი სამუშაო სივრცე ზრდის შრომისუნარიანობას და დადებითად აისახება სამუშაო პროცესზე. როდესაც საქმე ოფისის ინტერიერის შექმნას შეეხება, აუცილებელია გავითვალისწინოთ, რომ ის მაქსიმალურად უნდა ერგებოდეს დასაქმებულთა მოთხოვნებს – იყოს მყუდრო და კომფორტული იმისათვის, რომ სტრესული სამუშაოსთვისაც კი მშვიდი, მოსახერხებელი გარემო შექმნას. აღნიშნულ საკითხზე, რა თქმა უნდა, მსოფლიოს სხვადასხვა ქვეყანაში მრავალი კომპანია ზრუნავს. ისინი მიიჩნევენ, რომ ხის მასალის გამოყენება ინტერიერის დიზაინში ოფისს ერთგვარ სიმყუდროვეს სძენს და თანამშრომლების შრომისუნარიანობაზეც დადებითად აისახება. წინამდებარე სტატიაში წარმოგიდგენთ 30 კრეატიულ ოფისს, მსოფლიოს სხვადასხვა ქვეყნებიდან, რომელთა დიზაინი ხის მასალითაა შესრულებული!
