ხე განსხვავებული, კლასიკური მასალაა, რომელიც შეგიძლიათ მრავალნაირად გამოიყენოთ თქვენთვის სასურველი დიზაინის შესაქმნელად. იხილეთ 5 რჩევა, თუ რა უნდა გავითვალისწინოთ ხის მასალის გამოყენებამდე.
1.იყავით კრეატიული
როდესაც სახლის დიზაინში ხის მასალის გამოყენებაზე ვფიქრობთ, ამის შესაძლებლობები დაუსრულებლად შეგვიძლია გავიხსენოთ. შემოსასვლელი კარიდან დაწყებული, მისი გამოყენება სახლის ნებისმიერ წერტილში შესაძლებელია თქვენი სურვილების გათვალისწინებით. ეცადეთ იყოთ კრეატიულები და თავისუფლები სტილის მოფიქრებისას.
2. დაიწყეთ მცირედით
ხის ერთ-ერთი მთავარი უპირატესობა მრავალმხრივობაა, რაც მოგცემთ საშუალებას იყოთ კრეატიულები სტილის, ფორმისა თუ ზომის შერჩევისას.
იმ შემთხვევაშიც კი თუ საკმარისი ადგილი არ გაქვთ თქვენი ფანტაზიის დიდი მაშტაბით გამოყენებისათვის, შესაძლებელია დაიწყოთ მცირედით, როგორიცაა თუნდაც ხის პატარა აქსესუარების (მაგ: საათი, საკიდი) გამოყენება. ეს დაგეხმარებათ უკეთ მიხვდეთ – ნამდვილად არის ხე თქვენთვის სასურველი მასალა თუ არა და გაერკვეთ თუ როგორი დიზაინია თქვენთვის სასურველი.
3. მოამზადეთ თქვენით
ხე ყველაზე მარტივი მასალაა, რომლის დამუშავებაც შესაძლებელია. თუ გაქვთ რაიმე იდეა, როგორ შექმნათ რაიმე ნივთი ხისაგან, შეგიძლიათ სცადოთ დიზაინის მრავალი ვარიანტი. ერთ-ერთი ჩვენი საუკეთესო იდეა გადამუშავებული ხის პალეტების გამოყენებაა, რომლითაც შესაძლებელია მცენარეებისათვის ხის თაროების დამზადება, საათებისა და წარწერებიანი ჩარჩოების აქსესუარებად გამოყენება.
4. სცადეთ ხის იატაკი
ხის იატაკი შესანიშნავად გამოიყურება ნებისმიერ სახლში. ის უფრო ნათელს ხდის სახლს და მატებს კლასიკურ და მომხიბვლელ შესახედაობას. შესაძლოა ხის იატაკი შესაფერისი იყოს ნებისმიერი ოთახისათვის, თუმცა ყველაზე სასურველი მისაღები ოთახისთვისაა.
5. იპოვნეთ თქვენი თემა
ხის მასალის გამოყენება ნებისმიერი სახის დიზაინთან შესაბამისობაშია შესაძლებელი. ვიტნაჟური სტილის მოყვარული ხართ თუ თანამედროვე სტილის, ხის შერჩევა ყოველ შემთხვევაში შესაძლებელია. ვინტაჟური ავეჯი, როგორიცაა ხის კარადა, თაროები მოგცემთ შესაძლებლობას შეუხამოთ თანამედროვე ავეჯს. არსებული ხის ავეჯის მოხატვით, გაფორმებითა და რეკონსტრუქციით შეგიძლიათ თქვენს ინტერიერის დიზაინს ახალი სიცოცხლე შესძინოთ.
თუ ჯერ კიდევ არ გადაგიწყვეტიათ, როგორ გამოიყენებთ ხის მასალას, გაითვალისწინეთ, რომ ხე ყველაზე გამძლე მასალაა, რაც მოგცემთ საშუალებას მრავალჯერ შეცვალოთ ის რაიმე ავეჯზე უარის თქმის გარეშე.
