შემოსასვლელი კარის ყიდვისას ერთ-ერთი მნიშნელოვანი გადაწყვეტილება მისი მასალაა. მაღალი ხარისხით დამზადებული კარი დიდი ხნის განმავლობაში შესაძლოა იდეალურად ასრულებდეს თავის ფუნქციას განსხვავებული მასალის მიუხედავად, თუმცა მაინც არსებობს რამდენიმე მნიშნელოვანი განსხვავება მახასიათებლებს შორის.
ფასი და ეფექტურობა:
ხის კარი ფოლადის კართან შედარებით ძვირია. მომხარებლები მისი მახასიათებლებიდან ყველაზე მეტად ეკოლოგიური სისუფთავესა და ესთეტიკურ ვიზუალს გამოარჩევენ. ფოლადის კარი შედარებით ნაკლებ ფასიანი, თუმცა უფრო მეტად ენერგო-ეფექტურია, რაც იმას ნიშნავს, რომ უკეთ ინარჩუნებს ოთახის ტემპერატურას. ხის ვიზუალური მხარე, ეკოლოგიური სისუფთავე და მისი გამძლეობა კი ჯანსაღ კონკურენციას უწევს კარის ყველაზე გავრცელებულ მასალებს.
სტილი და ვიზუალი:
ხის კარის სილამაზე და მრავალფეროვნება მისი ერთი-ერთი გამორჩეული ძლიერი მხარეა. ხე თბილი, ნატურალური მასალაა, რომელიც კეთილგანწყობას ქმნის შემოსასვლელი კარის სახით. ხეს ასევე აქვს მრავალფეროვანი დიზაინი, სტილი და მთელი რიგი განსხვავებული ხე – მასალად. ფოლადის კარი კი ბევრი ადამიანისათვის ცივად შეიძლება იყოს აღქმული, რადგან მრავალმხრივობას არ გვთავაზობს. თუმცა, შესაძლებელია ფოლადის კარის ნებისმიერ ფერად შეღებვა, რაც გახდის მას განსხვავებულს და ორიგინალურს.
გამძლეობა და დაცულობა:
გამძლეობის მხრივ ორივე მასალის კარი განსაკუთრებულად ეფექტურია. დროდადრო საჭიროა ფოლადის გადაღებვა, ნესტის უარყოფითი ეფექტების თავიდან აცილებისათვის. თავის მხრივ ხეც მოითხოვს ყურადღებას, განსაკუთრებულად მისი შეკეთება მაშინაა აუცილებელი თუ გარეთა კარია და პირდაპირი კავშირი აქვს ტემპერატურასთან სხვადასხვა ამინდის დროს. თუმცა, ისიც უნდა აღინიშნოს, რომ ხე ყველაზე მარტივ მასალად ითვლება შესაკეთებლად.
